Plantun de Prouvènço

Pèr coumpara dos planto d'encò nostre

Platanthera bifolia & Spergula marina

Platanthera bifolia

Orchidaceae

Noms en français : Orchis à deux feuilles, Platanthère à deux feuilles.

Descripcioun :
La doublo-fueio trachis souto lis éuse e li blacas, dins li prado umido e proche dis aigo. Es un Orchis di flour blanco que se recounèis majamen à si dos fueio sus la cambo (fotò). Isto uno meno proche, Orchis chlorantha, que ié sèmblo proun, mai espés, emé de flour mens blanco e lis antèro que s'escarton l'uno de l'autro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Platanthera
Famiho : Orchidaceae

Ordre : Aspargales

Coulour de la flour : Blanco
Petalo : irreguliero
Ø (o loungour) flour : 1,5 à 2,2 cm
Flourido : Printèms

Sòu : Ca (Si)
Autour basso e auto : 0 à 2200 m
Aparado : Vo
Mai à juliet

Liò : Prado umido - Bos - Palun
Estànci : Mesoumediterran à Subaupen
Couroulougi : Éurasiatico
Ref. sc. : Platanthera bifolia (L.) Rich., 1817

Espargouto(-de-mar)

Spergula marina

Caryophyllaceae

Autre noum : Praussèli.

Nom en français : Spergulaire marine.

Descripcioun :
Aquelo espargouto trachis dins li relarg sala en ribo de mar. Es uno planto proun chanjadisso dins sa taio, la presènci o noun de péu, ... Se destrìo de sa cousino, Spergularia media qu'a li petalo pu courto que li sepalo e lis alo di grano proun dentado (fotò). Li flour soun peréu mai pichoto (< 4 mm) coume li fru. De nouta que i'a 1 à 6(8) estamino. Coumpara emé l'espargouto-maritimo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Spergula
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun
Remarco : Planto de coustiero

Liò : Mar - Sansouiro
Estànci : Termoumediterran à Mesoumediterran
Couroulougi : Bourealo
Ref. sc. : Spergula marina (L.) Bartl. & H.L.Wendl., 1825 (= Spergularia salina J.Presl & C.Presl, 1819 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Platanthera bifolia & Spergula marina

Coumpara Doublo-fueio emé uno autro planto

Coumpara Espargouto(-de-mar) emé uno autro planto